ఐదోసారి తండ్రయిన పాకిస్థాన్ క్రికెటర్

షాహిది అఫ్రిదికి ఇప్పటికే నలుగురు ఆడపిల్లలు ఉండగా.. తాజాగా అతని భార్యకి మరో పాప కూడా పుట్టింది. ఈ విషయాన్ని అఫ్రిది చెప్పగానే.. అభిమానులు సెటైరికల్‌గా స్పందిస్తున్నారు.పాకిస్థాన్ మాజీ ఆల్‌రౌండర్ షాహిద్ అఫ్రిది ఐదోసారి తండ్రయ్యాడు. అతని భార్య నదియా తాజాగా ఓ పండంటి ఆడపిల్లకి జన్మనిచ్చింది. ఇప్పటికే ఈ దంపతులకి నలుగురు కుమార్తెలు ఉండగా.. ఐదో పాప తమ ఫ్యామిలీలోకి ఎంట్రీ ఇచ్చినట్లు అఫ్రిదీనే స్వయంగా సోషల్ మీడియా ద్వారా అభిమానులతో పంచుకున్నాడు.వాస్తవానికి ఇటీవలే అఫ్రిది తన పిల్లల పెంపకం విషయంలో ఆంక్షలు పెడుతూ విమర్శలు ఎదుర్కొన్నాడు. ఆడపిల్లలు క్రికెట్ లేదా అవుట్‌డోర్ గేమ్స్ ఆడటం తమ సంప్రదాయాలకి విరుద్ధమని చెప్పుకొచ్చిన అఫ్రిది.. తన పిల్లల్ని ఆ గేమ్స్ ఆడేందుకు అనుమతించట్లేదని స్పష్టం చేశాడు. దీంతో.. అతనిపై పెద్ద ఎత్తున విమర్శలు వచ్చాయి. అలానే.. తన కూతురు టీవీలో హారతి ఇచ్చే సన్నివేశం చూసి.. దాన్ని అనుకరించడంపై కోప్పడినట్లు కూడా వెల్లడించి భారతీయులతో మొట్టికాయలు వేయించుకున్నాడు.